Отворен повик за бенд на зелен караван 

Повик 31/2026: Бенд за Зелен караван

Здружението Центар за младински активизам ЦМА КРИК – Скопје објавува повик за ангажман на бенд во рамки на проектот „ЗЗЗ – Заеднички за зелено застапување за заштита на животната средина“, финансиран од Владата на Швајцарија преку програмата Цивика мобилитас. Проектот го спроведуваат Македонскиот центар за меѓународна соработка (МЦМС), НИРАС од Данска и ФЦГ од Шведска.

За проектот

Проектот „ЗЗЗ“ има за цел да ја воведе т.н. „зелена“ перспектива во социјалната и младинската работа, како клучен пристап за заштита на животната средина и градење инклузивно и демократско општество.

Преку концептот на зелена социјална работа и социјална трансформација, проектот се стреми да ја поддржи благосостојбата на луѓето во услови на климатски промени и да го афирмира правото на здрава животна средина за сите.

Носител: ЦМА КРИК, Скопје
Партнери: Центар за социјални иницијативи НАДЕЖ и Здружение на социјални работници на Македонија – ЗСРМ
Времетраење: 01.12.2023 – 30.09.2026

Целни групи се стручни работници во социјалната заштита, даватели и корисници на социјални услуги, општини, младински работници и млади.

Што претставува „Зелен караван“?

Како дел од проектните активности, во периодот мај – август 2026 година ќе се реализира Зелен караван во сите 8 плански региони во државата. Во секој регион ќе се организира по еден настан на отворено (плоштад или јавен простор), во партнерство со општините и ЗЕЛС.

Настаните ќе вклучуваат:

• музички настап на локален бенд,

• стенд-ап настап на тема заштита на животната средина,

• презентација на локални зелени иницијативи,

• модераторска програма и интеракција со публиката.

Целта е преку креативни и достапни формати да се информира јавноста и да се поттикне активно учество во заштитата на животната средина.

Кој може да аплицира?

Се бара локален бенд (или повеќе бендови) кој:

• има искуство со јавни настапи

• изведува инклузивна, културна и ненаметлива музика

• има репертоар погоден за широка публика

• може да создаде позитивна и енергична атмосфера

• е отворен за настап во рамки на настан со еколошка и општествена тематика

• нема навредлива или несоодветна содржина

Предност ќе имаат бендови кои изведуваат: алтернативна музика, world music, џез/фанк, инди, поп/рок (полесен стил).

Дополнително, бендот треба:

• да може да настапува на отворено и да се прилагоди на техничките услови

• да ги почитува вредностите на настанот (екологија, инклузија, позитивна комуникација)

• да биде подготвен за настап во различни региони

• да прифати снимање на настапот за потребите на проектот

• да соработува и координира со проектниот тим

Обврски на избраниот бенд

• Настап од 45–60 минути во рамки на програмата

• Учество на јавен настан на отворено

• Координација со организаторите

• Прилагодување на техничките услови (озвучување и осветлување обезбедени од организаторот)

• Интеракција со публика (кога е соодветно)

Патните трошоци до локацијата се покриваат од страна на организаторот.

Надомест

Бруто износ: 15.000 МКД по настан

Критериуми за избор

Изборот ќе се врши според принципот „најдобра вредност за цената“, врз основа на:

• Релевантно искуство (CV и портфолио) – 50 бодови

• Квалитет на доставените видеа – 50 бодови

Потребни документи

Секоја понуда задолжително треба да содржи:

• Кратка биографија (CV)

• Портфолио со линк од најмалку еден претходен видео настап

Нецелосните понуди нема да бидат разгледувани.

Рокови

• Рок за доставување понуди: 10.05.2026

• Избор и известување: 15.05.2026

• Период на реализација: 01.05.2026 – 31.08.2026

Начин на аплицирање

Понудите се доставуваат електронски на:
zzzgreenadvocacy@gmail.com

Во предметот на пораката задолжително наведете:
„Повик 31/2026: Бенд за зелен караван“

При аплицирање наведете за кој од 8-те плански региони аплицирате (може за минимум 1, максимум 8 региони).

Понудите пристигнати по рокот или изработени спротивно на условите нема да бидат разгледувани.

Проектот е финансиран од Владата на Швајцарија преку Цивика мобилитас.
Содржината на овој повик е единствена одговорност на Центар за младински активизам ЦМА КРИК – Скопје и не ги одразува ставовите на донаторот или организациите кои ја спроведуваат програмата.