Отворен повик за модератор на Зелените каравани 

Центар за социјални иницијативи Надеж – Скопје објавува отворен повик за ангажирање модератор на Зелените каравани во рамки на проектот „ЗЗЗ – Заеднички за зелено застапување за заштита на животната средина“. Овој проект е финансиран од Влада на Швајцарија преку програмата Civica Mobilitas и претставува значајна иницијатива за поврзување на социјалната работа со заштитата на животната средина.

За проектот

Проектот „ЗЗЗ – Заеднички за зелено застапување за заштита на животната средина“ е предводен од Центар за младински активизам КРИК – Скопје, во партнерство со Центар за социјални иницијативи Надеж и Здружение на социјални работници на Македонија. Имплементацијата се реализира од Македонски центар за меѓународна соработка, заедно со NIRAS (Данска) и FCG Sweden (Шведска).

Проектот се спроведува во периодот од декември 2023 до септември 2026 година и има за цел да ја воведе „зелената“ перспектива во социјалната и младинската работа. Преку концептот на зелена социјална работа, се промовира правото на здрава животна средина и се поттикнува социјална трансформација како одговор на климатските предизвици.

Целните групи на проектот вклучуваат:

• Стручни работници и корисници во системот на социјална заштита

• Локални општини

• Даватели на социјални услуги

• Младински работници и млади
  
  

Зелените каравани – активности низ целата држава

Во рамки на проектот ќе се организираат „Зелени каравани“ во осум плански региони во државата. Станува збор за настани на отворено, кои ќе се реализираат во летниот период во соработка со општините, со цел информирање на граѓаните и поттикнување на нивно активно учество во заштитата на животната средина.

Улогата на модераторот

Преку Повик 29/2026 се бара модератор кој ќе ги води завршните настани во рамки на Зелените каравани. Оваа улога е клучна за успешна реализација на настаните и ефективна комуникација со публиката.

Избраниот кандидат ќе биде одговорен за:

• Подготовка на програма за водење на настаните

• Водење на настаните во сите 8 плански региони

• Континуирана комуникација со проектниот тим и другите ангажирани лица

• Координација за успешна реализација на регионалните настани
  
  

Детали за ангажманот

• Период: 01 април – 30 септември 2026

• Времетраење на настан: околу 2 часа по настан

• Надомест: 7.500 МКД по настан (вкупно 60.000 МКД бруто за 8 настани)
  
  

Ангажманот подразбира теренска работа и патување низ различни региони во државата.

Критериуми за избор

Кандидатите треба да поседуваат:

• Искуство во модерирање јавни настани, особено во областа на животната средина

• Способност за подготовка на нацрт програма за Зелените каравани

• Подготвеност за теренска работа и патување

• Искуство со граѓански организации, проекти или кампањи
  
  

Евалуацијата ќе се врши врз основа на:

• Кратка биографија (40 поени)

• Нацрт програма (30 поени)

• Референтна листа (30 поени)
  
  

Како да аплицирате?

Заинтересираните кандидати треба да достават:

• Кратка биографија

• Нацрт програма за Зелените каравани

• Референтна листа
  
  

Апликациите се доставуваат електронски на: zzzgreenadvocacy@gmail.com
со назнака:
„Понуда за повик 29/2026 – Модератор на Зелени каравани“

🗓 Краен рок за аплицирање: 1 април 2026 година

Ненавремено пристигнатите апликации нема да бидат разгледани.

Овој повик претставува одлична можност за професионалци кои сакаат да придонесат кон еколошка свест и општествени промени. Со активно учество во Зелените каравани, избраниот модератор ќе биде дел од иницијатива што гради поодржлива и поинклузивна иднина за сите. 🌱

Активноста е дел од проектот „ЗЗЗ – Заеднички за зелено застапување за заштита на животната средина“, финансиран од Embassy of Switzerland in North Macedonia преку програмата Civica Mobilitas, а реализиран од Центар за младински активизам КРИК, Center for Social Initiatives "Nadez" и Здружение на социјални работници на Македонија– ЗСРМ.