Јавен повик за учество на обука: „Мониторинг на јавни политики – пристапи, алатки и примена во граѓанскиот сектор“ 

Центарот за младински активизам КРИК, во партнерство со Македонски Каритас, во рамки на регионалниот проект CORDIAL – Creating Opportunities Regionally for Disability Inclusion Actions and Legislation, поддржан од Европската Унија, објавува јавен повик за учество на дводневна обука на тема:

„Мониторинг на јавни политики: пристапи, алатки и примена во граѓанскиот сектор“

📅 Датум: 30–31 март 2026
📍 Локација: Хотел Манастир, Берово

Обуката е дел од Capacity Building Program во рамки на проектот CORDIAL и има за цел да ги зајакне капацитетите на граѓанските организации за активно учество во процесите на креирање, следење и унапредување на јавните политики поврзани со инклузијата на лицата со попреченост.

За проектот CORDIAL

Проектот CORDIAL – Creating Opportunities Regionally for Disability Inclusion Actions and Legislation има за цел да ја унапреди инклузијата на лицата со попреченост преку:

• зајакнување на капацитетите на граѓанските организации

• подобрување на јавните политики

• поттикнување регионална соработка
  
  

Во рамки на проектот се спроведуваат серија тематски модули кои опфаќаат области како застапување, институционални механизми, креирање јавни политики, мониторинг и отчетност.

За обуката

Овој модул е насочен кон развивање на основни знаења и практични вештини за мониторинг на јавни политики, со посебен фокус на примената во работата на граѓанските организации.

Учесниците ќе имаат можност да научат:

• како да пристапат кон анализа на јавни политики

• како да препознаат индикатори за успех на јавните политики

• како да собираат едноставни податоци релевантни за мониторинг

• како да подготват краток мониторинг извештај кој може да се користи во процесите на застапување

• како нивната организација може активно да се вклучи во мониторинг процеси

• кои се добри практики и алатки за следење на јавните политики
  
  

Обуката ќе се реализира преку интерактивен и практичен пристап, со примери од пракса, дискусии и работа во групи. Учесниците ќе работат на практични задачи преку кои ќе развиваат сопствени идеи и пристапи за вклучување во процесите на креирање и следење на јавни политики.

Кој може да се пријави?

На повикот можат да се пријават претставници на граѓански организации кои:

• работат со и за лица со попреченост

• се активни во застапување на правата на ранливи групи

• придонесуваат кон социјална инклузија
  
  

⚠️ Апликации од претставници на јавни институции и училишта не се предвидени за оваа обука.

Особено се охрабруваат да аплицираат:

• организации кои работат со млади и жени со попреченост

• организации кои делуваат во рурални или помали заедници

• нови или помали организации на кои им е потребна поддршка за вклучување во јавни процеси

Финансиски услови

Сите трошоци поврзани со учеството на обуката се целосно покриени од страна на организаторот, вклучувајќи:

• сместување

• оброци

• патни трошоци

• работни материјали

Пријавување

Заинтересираните организации и нивни претставници можат да се пријават преку онлајн апликациска форма достапна на следниот линк.
Линк за пријавување:  https://tinyurl.com/59fpa32k

📌 Бројот на учесници е ограничен, а сите апликанти ќе бидат известени по завршување на процесот на селекција.

🗓 Краен рок за пријавување: 23 март 2026
📅 Датум на објава на повикот: 09 март 2026