Обучувaч/ка за обука на тема: Дигитално застапување и медиумска
видливост како алатка за влијание

Центарот за младински активизам КРИК објавува отворен повик за ангажирање на обучувач/ка кој/а ќе подготви и реализира дводневна обука на тема „Дигитално застапување и медиумска видливост како алатка за влијание“, во рамки на регионалниот проект CORDIAL – Создавање можности регионално за инклузија и застапување на лица со попреченост.

За проектот

Проектот CORDIAL – Creating Opportunities Regionally for Disability Inclusion Actions and Legislation е регионална иницијатива финансирана од Европската Унија преку ИПА програмата, насочена кон унапредување на социјалната инклузија и правата на лицата со попреченост преку регионален дијалог, застапување и институционално вмрежување.

Проектот го координира Caritas Србија, а се спроведува во партнерство со организации од Босна и Херцеговина, Косово, Црна Гора, Србија и Северна Македонија, меѓу кои и Центар за младински активизам КРИК.

За обуката

Во рамки на програмата за јакнење на капацитетите на граѓанските организации и мрежи, ќе се организира дводневна обука (21–22 април 2026 година) во х. Манастир, Берово, на која ќе учествуваат 10–15 претставници од граѓански организации од Северна Македонија.

Целта на обуката е учесниците да стекнат практични знаења и вештини за дигитално застапување и зголемување на медиумската видливост, со фокус на:

• развивање вештини за дигитално застапување

• зголемување на медиумската видливост на организациите и нивните кампањи

• користење на дигитални алатки за зголемување на влијанието

• добри практики и алатки за дигитално застапување

• унапредување на пораките кон пошироката јавност и релевантните чинители

Обуката ќе комбинира теоретски вовед и практична работа, анализа на постоечки кампањи и развивање мини-кампањи од страна на учесниците.

Улога на обучувачот/ката

Избраниот обучувач ќе биде одговорен за:

• подготовка на дводневна програма и агенда за обуката

• развивање методологија, практични примери и алатки

• фацилитирање на обуката во живо

• подготовка на краток водич за дигитално застапување

• изработка на финален извештај со препораки и заклучоци по завршување на активноста

Потребни квалификации

Кандидатите треба да поседуваат:

• високо образование во областите општествени науки, право, јавни или социјални политики, политички науки, комуникации или сродни области (предност)

• искуство во работа со медиуми, институции и граѓански организации

• искуство во дигитално застапување и користење дигитални алатки

• искуство во фацилитирање обуки, работилници или јавни настани

• способност за јасно и разбирливо пренесување на комплексни информации

Пожелно е кандидатите да имаат искуство во подготовка и реализација на дигитални застапувачки кампањи, учество во јавни консултации или застапнички процеси, како и познавање на принципите на социјална инклузија и правата на лицата со попреченост.

Надоместок

За реализација на ангажманот е предвиден вкупен хонорар од 600 евра, кој го опфаќа целиот ангажман (подготовка, реализација и финален извештај).

Начин на аплицирање

Заинтересираните кандидати треба да испратат апликација најдоцна до 10 април 2026 година на:

📧 employmentkrik@gmail.com
(со назнака: Апликација – Обучувач за дигитално застапување)

Апликацијата треба да содржи:

• Кратка биографија (CV)

• Краток предлог за методологија и пристап кон темата

Процес на селекција

Апликациите ќе бидат разгледани од тричлена селекциска комисија составена од претставници на КРИК и проектниот тим на CORDIAL.

Кандидатите ќе се оценуваат според:

1. Релевантно образование и професионални квалификации (30%)

2. Искуство во фацилитација и работа со институции/ГО (15%)

3. Искуство во дигитални кампањи за застапување (15%)

4. Квалитет на предложената методологија (30%)

5. Резултати од интервју (10%) – по потреба

По потреба, избраните кандидати ќе бидат повикани на кратко онлајн интервју (Zoom/Teams).