Отворен повик за обучувач/ка за младински работници

Центарот за младински активизам КРИК објавува повик за ангажирање двајца обучувач/ка за подготовка и реализација на тродневна обука за младински работници, во рамки на проектот „Младински центри за сите“.

Обуката е насочена кон зајакнување на младинските работници за планирање и спроведување инклузивни активности во младинските центри, со посебен фокус на вклучување на млади со попреченост.

Доколку имате искуство во младинска работа, инклузија, работа со лица со попреченост, неформално образование и спроведување обуки – ве охрабруваме да се пријавите и да придонесете кон создавање младински центри кои се отворени и пристапни за сите млади.

🌍 За проектот „Младински центри за сите“

Проектот „Младински центри за сите“ се спроведува од Центарот за младински активизам КРИК, со поддршка од Младински сојуз - Крушево, а е финансиран од Европската Унија во рамки на програмата „Посилни гласови за подобри избори - Младински хаб за Западен Балкан и Турција“.

Целта на проектот е да ги зајакне младинските центри како инклузивни и пристапни простори за сите млади, со посебен фокус на младите со попреченост.

Проектот вклучува мапирање на потребите на младинските центри и центрите за лица со попреченост, развој на инклузивна програма, обука на младински работници и активности за застапување и подигнување на јавната свест.

📚 За обуката

Обуката ќе се одржи во Охрид, во времетраење од  15-18 јули, со учество на 12 младински работници од младински центри од целните региони (Источен,  Југозападен, Пелагониски, Југоисточен и Полошки регион).

Фокусот на обуката ќе биде ставен на:

• разбирање на инклузивната младинска работа;

• работа со млади со различни типови попреченост;

• инклузивна комуникација и користење едноставен јазик;

• адаптација на младински активности;

• работа со мешани групи, млади со и без попреченост;

• градење доверба и поддржувачка групна динамика;

• соработка помеѓу младински центри, дневни центри и локални чинители;

• подготовка на локални акциски планови за инклузивни младински центри;

• практична активност со лица со попреченост.

Целта е младинските работници да добијат конкретни алатки, примери и методи кои ќе можат веднаш да ги применат во својата секојдневна работа.

👩‍🏫 Улога на обучувачот/ката

Избраниот обучувач/ка или тим на обучувачи ќе биде одговорен/на за:

• подготовка на детална програма и агенда за тридневната обука;

• развој на методологија базирана на неформално образование;

• подготовка на практични вежби, студии на случај и симулации;

• реализација на тридневната обука за младински работници;

• поддршка на учесниците во подготовка на локални акциски планови;

• подготовка и водење на практична активност со лица со попреченост;

• подготовка на краток финален извештај со препораки.

Се очекува обучувачот/ката да примени интерактивен, практичен и инклузивен пристап, кој ќе овозможи активно учество, размена на искуства и учење преку работа.

✅ Потребни квалификации

Кандидатите треба да поседуваат:

• искуство во подготовка и спроведување обуки;

• искуство во младинска работа и неформално образование;

• искуство или добро познавање на работа со лица со попреченост;

• познавање на инклузивни и партиципативни пристапи;

• способност за работа со групи и фасилитација на интерактивни процеси;

• познавање на локалниот контекст на младинските центри ќе се смета за предност;

• искуство во подготовка на практични алатки, програми или методологии ќе се смета за предност.

💶 Надоместок

За реализација на ангажманот е предвиден хонорар од 600 евра бруто за тродневната обука за секој избран обучувач. 

Надоместокот ја опфаќа подготовката на програмата, реализацијата на тридневната обука, подготовката на материјали и изработката на финалниот извештај.

📩 Начин на аплицирање

Заинтересираните кандидат(к)и треба да испратат апликација најдоцна до 7 јули на:

📧 employmentkrik@gmail.com
со назнака: Апликација – Обучувач/ка за младински работници

Апликацијата треба да содржи:

• кратка биографија / CV;

• краток предлог за методологија за тридневната обука.

📝 Процес на селекција

Апликациите ќе бидат разгледани од селекциска комисија составена од претставници на КРИК.

Кандидатите ќе се оценуваат врз основа на:

• релевантно образование и искуство;

• претходно искуство во младинска работа и инклузија;

• искуство во работа со лица со попреченост;

• квалитет на предложената методологија;

• практичност и применливост на предложените активности;

• финансиска понуда.

По потреба, кандидатите може да бидат поканети на кратко онлајн интервју.

Доколку сакате да придонесете кон развој на младински центри кои се пристапни, инклузивни и отворени за сите млади, ова е можност да го споделите вашето знаење и искуство.

Ве очекуваме! 💙

Центар за младински активизам КРИК