Учесници на обука на тема: Дигитално застапување и медиумска
видливост како алатка за влијание

Центар за младински активизам КРИК, во партнерство со Македонски Каритас, во рамки на регионалниот проект CORDIAL – Creating Opportunities Regionally for Disability Inclusion Actions and Legislation, поддржан од Европската Унија, објавува јавен повик за учество на дводневна обука на тема:

„Дигитално застапување и медиумска видливост како алатка за влијание“

📅 Датум: 21–22 април 2026
📍 Локација: Хотел Манастир

За проектот CORDIAL

Проектот CORDIAL има за цел да ја унапреди инклузијата на лицата со попреченост преку:

• градење на капацитетите на граѓанските организации,

• подобрување на јавните политики,

• поттикнување регионална соработка и застапување.

Обуката е дел од пошироката Capacity Building Program, која опфаќа тематски модули насочени кон застапување, институционални механизми, креирање јавни политики, мониторинг и отчетност.

За што е наменета обуката?

Овој модул е дизајниран да им помогне на организациите да:

• стекнат практични вештини за дигитално застапување,

• се запознаат со конкретни алатки и платформи за онлајн комуникација,

• го зајакнат своето онлајн позиционирање и медиумска видливост,

• ги разберат придобивките од дигиталното застапување во процесите на влијание,

• применуваат добри практики преку реални примери и искуства.

Што ќе работат учесниците?

Преку интерактивни сесии и практична работа, учесниците ќе:

• учат како да креираат јасни и ефективни пораки за застапување;

• ги прилагодуваат пораките за различни дигитални канали (социјални медиуми, веб-страници, онлајн кампањи);

• анализираат постоечки кампањи и ќе идентификуваат што функционира, а што може да се подобри;

• користат алатки за планирање содржина, креирање визуели и управување со социјални медиуми;

• изработат сопствени мини-кампањи како практична вежба;

• работат на зголемување на видливоста и препознатливоста на својата организација.

Дополнително, ќе се дискутира за придобивките од дигиталното застапување – поголем дострел, влијание врз јавноста и носителите на одлуки, како и поефикасна комуникација со заедницата.

Кој може да се пријави?

Право на учество имаат:

• организации кои работат со и за лица со попреченост;

• организации кои застапуваат права на ранливи групи;

• граѓански организации кои придонесуваат кон социјална инклузија.

⚠️ Апликации од претставници на јавни институции и училишта не се предвидени за оваа обука.

Особено се охрабруваат пријави од:

• организации кои работат со млади и жени со попреченост;

• организации од рурални и помали заедници;

• нови или помали организации кои имаат потреба од дополнителна поддршка за вклучување во јавни процеси.

Финансиски услови

Трошоците за:

• сместување,

• оброци,

• патување,

• работни материјали

се целосно покриени од страна на организаторот.

Пријавување

Заинтересираните организации и претставници можат да се пријават преку онлајн форма на следниот линк:
🔗 https://shorturl.at/tsGmf

📌 Бројот на учесници е ограничен.
📅 Повикот е отворен до 14 април 2026 година.

Доколку вашата организација сака да го зајакне своето дигитално присуство и да го зголеми влијанието во јавните политики, оваа обука е можност за конкретни знаења, алатки и практична поддршка.