VOICES UNMUTED | БЕРОВО
Жива библиотека, коктел и вмрежување

Центарот за младински активизам КРИК, во партнерство со Центарот за социјална работа Берово, ве поканува да бидете дел од следниот настан во рамки на иницијативата „Voices Unmuted“, која се реализира како дел од регионалниот проект CORDIAL – Creating Opportunities Regionally for Disability Inclusion Action and Legislation.

Кога? 📅 19 август 2026

Каде? 📍 Хотел Манастир, Берово

Колку часот? 🕥 Почеток регистрација: 10:30 часот

„Voices Unmuted“ има за цел да придонесе кон намалување на стигмата и предрасудите поврзани со попреченоста и менталното здравје, преку создавање простор за директен дијалог, споделување лични искуства и подобро меѓусебно разбирање.

Централен дел од настанот ќе биде Живата библиотека – интерактивен формат во кој наместо книги, „читаме“ луѓе и нивните животни приказни. Учесниците ќе имаат можност директно да разговараат со луѓе со различни животни искуства и перспективи, да поставуваат прашања и преку непосреден контакт да ги преиспитаат стереотипите и предрасудите кои сè уште постојат во нашите заедници.

Дел од „живите книги“ ќе бидат корисници и вработени од социјалната услуга „Живеење со 24-часовна поддршка“ која ја обезбедува Центарот за младински активизам КРИК. Преку нивните лични и професионални искуства, учесниците ќе имаат можност одблизу да се запознаат со секојдневниот живот на лицата со попреченост, значењето на поддршката за самостојно и достоинствено живеење, како и со улогата на професионалците кои секојдневно работат за создавање инклузивна и поддржувачка средина.

Живата библиотека ќе овозможи различните перспективи да се сретнат на едно место - лицата со попреченост, професионалците, институциите, граѓанските организации и локалната заедница - со цел преку отворен разговор да се поттикнат поголемо разбирање, прифаќање и рушење на постојните предрасуди.

По Живата библиотека, настанот ќе продолжи со коктел и вмрежување, создавајќи простор за неформален разговор, нови контакти и можности за понатамошна соработка меѓу учесниците, институциите и организациите од локалната заедница.

ПРОГРАМА

10:30 – 11:00 | Регистрација на учесници

11:00 – 11:15 | Воведно обраќање

11:15 – 13:00 | Жива библиотека

13:00 – 15:00 | Коктел и вмрежување

Ги покануваме лицата со попреченост и нивните семејства, претставниците на институциите, центрите за социјална работа, граѓанските организации, професионалците, младите, волонтерите, претставниците на локалната заедница и сите заинтересирани граѓани да ни се придружат и заедно да создадеме простор во кој секој глас има вредност и заслужува да биде слушнат.

📌 Учеството на настанот е бесплатно.

Форма за пријавување: https://tinyurl.com/s9ct9t23

Рок за апликација: 17 август.

Да ги слушнеме приказните кои премногу често остануваат нечуени.

Да разговараме. Да се запознаеме. Да ги надминеме предрасудите.

VOICES UNMUTED – because every voice matters

Проектот CORDIAL – Creating Opportunities Regionally for Disability Inclusion Actions and Legislation е финансиран од Европската Унија, а координиран од Caritas Srbije, во партнерство со: Caritas Bosne i Hercegovine, Caritas Kosova, Македонски Каритас, Caritas Crne Gore, Unija organizacija osoba s invaliditetom u BiH, Center for Youth Activism KRIK, Forum mladih sa invaliditetom - Youth with Disabilities Forum и Caritas Italiana.