Мапирање на потребите за инклузија на лица со попреченост во младинските центри – Источен регион 

Центарот за младински активизам КРИК во рамки на проектните активности за унапредување на инклузијата на лицата со попреченост во младинската работа, организира регионален онлајн состанок за мапирање на потребите на младинските центри и центрите за работа со лица со попреченост во Источниот регион.

Овој состанок се реализира во рамки на Активност 1 – Мапирање на потребите на младинските центри и лицата со попреченост во пет целни региони на Северна Македонија, чија цел е да се идентификуваат предизвиците, потребите и можностите за подобро вклучување на младите лица со попреченост во локалните младински активности.

Цели на состанокот

Состанокот има за цел да создаде простор за дијалог помеѓу:

• младинските центри, и дневните центри и организации кои работат со лица со попреченост од Источниот регион, со цел заеднички да се мапираат потребите за поинклузивна младинска работа.

Преку оваа средба учесниците ќе имаат можност да:

• ги споделат своите искуства и предизвици во работата со лица со попреченост

• ги идентификуваат потребите на младите лица со попреченост на локално ниво

• ги мапираат постојните ресурси и потенцијали во младинските центри

• разменат добри практики и идеи за подобрување на инклузивноста во младинските активности
  
  

Средбата ќе претставува безбеден простор за отворен дијалог, со цел да се создаде основа за идни активности кои ќе ги зајакнат капацитетите на младинските работници за работа со мешани групи на лица со попреченост и лица со типичен развој.

Резултати од процесот

Информациите и заклучоците од состанокот ќе бидат дел од извештај за проценка на потребите, кој ќе послужи како основа за планирање на следните фази од проектот, вклучително и развој на програми за обука и активности за унапредување на инклузивната младинска работа.

Детали за состанокот

📅 Датум: 13.03.2026
🕒 Време: 14:30 – 16:30 часот
💻 Формат: Онлајн состанок

Кој може да учествува?

На состанокот се поканети:

• претставници од младински центри од Источниот регион

• претставници од дневни центри и организации кои работат со лица со попреченост
  
  

Важно е да се напомене дека овој состанок е наменет исклучиво за организации и центри од Источниот регион, додека во наредните две недели ќе бидат организирани дополнителни состаноци и за останатите региони во државата.

Пријава за учество

За да учествувате на состанокот, потребно е да ја пополните следната пријава:

🔗 Линк за пријава: https://tinyurl.com/4bevr24r

По пријавата, сите учесници ќе добијат дополнителни информации и линк за приклучување на состанокот.