📢 Отворен повик за обучувач/ка на младински работници

Центарот за младински активизам КРИК објавува повик за ангажирање обучувач/ка за подготовка и реализација на тродневна обука за младински работници, во рамки на проект насочен кон инклузија, младинско учество и локални зелени иницијативи.

Доколку имате искуство во работа со млади, спроведување обуки и развој на партиципативни пристапи – ве охрабруваме да се пријавите и да станете дел од овој значаен процес на јакнење на младинската работа.

🌱 За проектот „Youth Rock, Let’s Roll“

Проектот Youth Rock, Let’s Roll има за цел да ги зајакне младите со и без попреченост активно да учествуваат во инклузивни зелени иницијативи и да ја унапреди соработката со локалните власти преку практични знаења, вештини и механизми за учество.

Акцијата придонесува кон пошироката мисија на Gear-UP!, насочена кон развој на Глобално граѓанско образование за одржлив развој. Преку поврзување на младите од Западен Балкан со Европската Унија, проектот го подобрува нивното разбирање за ЕУ политиките и демократското учество, истовремено зајакнувајќи ги нивните капацитети за одговор на регионалните и глобалните предизвици.

Повеќе за проектот тука:https://tinyurl.com/mrxhkax2

📚 За обуката

Обуката ќе се одржи од 15 до 17 април 2026 година, во Осоговски Конак, Пониква, со учество на 10 младински работници.

Фокусот на обуката ќе биде ставен на:

• Основи и улога на младинската работа

• Инклузивни пристапи во работа со млади

• Развој и спроведување локални иницијативи

• Зелени и одржливи акции во заедницата

• Планирање на следни чекори

Целта е учесниците да стекнат практични алатки и знаења кои ќе можат веднаш да ги применат во своите локални заедници.

👩‍🏫 Улога на обучувачот/ката

Избраниот обучувач/ка ќе биде одговорен/на за:

• Подготовка на детална програма и агенда

• Развој на методологија, алатки и практични примери

• Реализација на тридневната обука

• Подготовка на краток финален извештај со препораки

Се очекува обучувачот/ката да примени интерактивен и инклузивен пристап, кој ќе овозможи активно учество и размена на искуства меѓу учесниците.

✅ Потребни квалификации

Кандидатите треба да поседуваат:

• Искуство во спроведување обуки и работилници

• Искуство во работа со млади, граѓански организации или јавни политики

• Познавање на инклузивни и партиципативни пристапи

• Способност за јасно пренесување на информации и работа со групи

💶 Надоместок

За реализација на ангажманот е предвиден вкупен хонорар од 450 евра, кој ги опфаќа подготовката, реализацијата и изработката на финалниот извештај.

📩 Начин на аплицирање

Заинтересираните кандидат(к)и треба да испратат апликација најдоцна до 8 април 2026 година на:

📧 employmentkrik@gmail.com
(со назнака: Апликација – Обучувач/ка на младински работници/чки)

Апликацијата треба да содржи:

• Кратка биографија (CV)

• Краток предлог за методологија

📝 Процес на селекција

Апликациите ќе бидат разгледани од тричлена селекциска комисија составена од претставници на КРИК. Кандидатите ќе се оценуваат врз основа на:

• Релевантно образование

• Претходно искуство

• Квалитет на предложената методологија

• По потреба – кратко онлајн интервју

Доколку сакате да придонесете кон развој на инклузивна, зелена и активно вклучена младинска заедница – ова е можност да го споделите вашето знаење и искуство.

Ве очекуваме! 🌍💚