Национална група за застапување - од идеја до реализација 

Што е Националната група за застапување?

Националната група за застапување (НАГ) е формирана во декември 2025 година како дел од проектот CORDIAL – Creating Opportunities Regionally for Disability Inclusion Actions and Legislation. Групата ја сочинуваат:

• Здружение на граѓани за физичко и ментално здравје ЦЕДУЗ

• Центар за поддршка на деца и млади со атипичен развој Балончиња Битола

• Здружение на граѓани "Исчекор- Општество за сите" Валандово

• Здружение на социјални работници на Македонија, Скопје

• Здружение на лица со церебрална парализа и други попречености - Велес, Велес

• Center for Social Initiatives "Nadez",

• Здружение на родители на деца со пречки во развојот – Кичево

• Open the Windows/Отворете ги прозорците, @Здружение за асистивна технологија

• Хуманост, Здружение за поддршка и развој

• Здружение Во Мојот Свет, за поддршка и третман на лица со аутистичен спектар и атипичен развој

• Здружение за лица со посебни потреби Прогрес

• Порака Неготино  - Pоraka Negotino

Сите организации се лиценцирани даватели на социјални услуги, а процесот го координира CYA KRIK.

Проектот го води Caritas Srbije во партнерство со Caritas Bosne i Hercegovine, Caritas Kosova, Македонски Каритас, Caritas Crne Gore, Unija organizacija osoba s invaliditetom u BiH, Center for Youth Activism KRIK, Forum mladih sa invaliditetom - Youth with Disabilities Forum и Caritas Italiana. 

НАГ претставува платформа преку која организациите што обезбедуваат социјални услуги заеднички ги идентификуваат системските предизвици, подготвуваат предлози за нивно надминување и спроведуваат застапувачки активности насочени кон подобрување на политиките и услугите за лицата со попреченост.

Што се застапувачките активности?

По формирањето и редовните состаноци на Националната група за застапување, започна реализацијата на застапувачките активности чија цел е да иницираат конкретни системски подобрувања во областа на социјалните услуги.

Активностите се темелат на искуствата и препораките на лиценцираните даватели на социјални услуги, кои преку својата секојдневна работа ги препознаваат предизвиците во функционирањето на системот и предлагаат конкретни решенија за нивно надминување.

Како прв чекор од овие активности, Националната група за застапување испрати иницијативни писма до Министерството за социјална политика, демографија и млади и до Фондот за здравствено осигурување, со цел отворање институционален дијалог за прашања кои бараат навремени и одржливи решенија.

Реализирана средба со Секторот за социјални услуги

На 13 јули 2026 година беше реализирана работна средба со Секторот за социјални услуги при Министерството за социјална политика, демографија и млади.

Секторот за социјални услуги е новоформиран сектор во рамки на Министерството, а Националната група за застапување го поздравува неговото формирање како значаен чекор кон подобрување и зајакнување на соработката помеѓу институциите и лиценцираните даватели на социјални услуги.

Средбата претставуваше можност членовите на НАГ да ги претстават предизвиците со кои се соочуваат давателите на услуги и лицата со попреченост, како и конкретни предлози за нивно надминување.

Во фокусот на разговорот беа:

• редовното и предвидливо финансирање на социјалните услуги;

• одржливоста на услугата поддржано живеење;

• подобрувањето на подзаконската регулатива;

• кадровските стандарди;

• административните процедури кои влијаат врз квалитетот и достапноста на услугите.

Средбата беше конструктивна и резултираше со договор за продолжување на соработката. Министерството изрази подготвеност за понатамошен дијалог, за вклучување на лиценцираните даватели на услуги во подготовката на подзаконските акти и системските решенија, како и за организација на заедничка конференција и активности за промоција на социјалните услуги.

Следни активности

Во наредниот период се планирани средби и со останатите релевантни институции и чинители, со цел продолжување на процесот на застапување и зајакнување на меѓусекторската соработка.

Воедно, очекуваме реализација на средба со Фондот за здравствено осигурување, на која ќе бидат разгледани прашањата и потребите што Националната група за застапување ги мапираше во текот на својата работа.

Веруваме дека партнерскиот пристап, континуираниот дијалог и заедничкото креирање решенија се клучни за развој на поквалитетни, поодржливи и подостапни социјални услуги за лицата со попреченост.

Им благодариме на Министерството за социјална политика, демографија и млади за отвореноста, конструктивниот дијалог и подготвеноста за соработка.

Проектот CORDIAL – Creating Opportunities Regionally for Disability Inclusion Actions and Legislation е финансиран од Европската Унија, а координиран од Caritas Srbije, во партнерство со: Caritas Bosne i Hercegovine, Caritas Kosova, Македонски Каритас, Caritas Crne Gore, Unija organizacija osoba s invaliditetom u BiH, Center for Youth Activism KRIK, Forum mladih sa invaliditetom - Youth with Disabilities Forum и Caritas Italiana.