Повик за обучувач на обука 

Позиција: Обучувaч/ка за обука на тема "Јавно застапување и градење на коалиции за организации што работат со и за лица со попреченост"

Проект: CORDIAL – Создавање можности регионално за инклузија и застапување на лица со попреченост

Рок за аплицирање: 05 мај 2025

Начин на аплицирање:  employmentkrik@gmail.com

Датум на реализација на обуката: 13–14 мај 2025

За проектот

Проектот CORDIAL – Creating Opportunities Regionally for Disability Inclusion Actions and Legislation е регионална иницијатива финансирана од Европската Унија преку ИПА програмата, која има за цел да го поттикне регионалниот дијалог, застапување и институционално вмрежување за унапредување на социјалната инклузија и правата на лицата со попреченост.

Проектот го координира Caritas Србија, а партнери се:

• Каритас БиХ (Босна и Херцеговина)

• Каритас Косово (Косово)

• Каритас Црна Гора (Црна Гора)

• Македонски Каритас

• Центар за младински активизам КРИК (Македонија)

• Форум на млади со инфалидитет – YDF (Србија)

како и партнери од Европската Унија.

За активноста

Како дел од сетот тематски обуки за јакнење на капацитетите на граѓанските организации и мрежи, ќе се организира дводневна обука на тема:

„Јавно застапување и градење на коалиции за организации што работат со и за лица со попреченост“.

Целта на обуката е да им помогне на организациите да развијат вештини и структури за:

• разбирање на процесот на јавно застапување и влијание врз креирање политики,

• градење коалиции и партнерства со други организации и засегнати страни,

• развивање јасни застапувачки пораки, цели и планови,

• користење алатки за комуникација со јавност, институции и медиуми,

• воспоставување долгорочни застапнички иницијативи и соработка.

• На обуката се очекува учество од 10 – 15 учесници од организации од земјата.

Цел на повикот

За подготовка и реализација на оваа обука, Центар за младински активизам КРИК објавува јавен повик за ангажирање на обучувач кој ќе биде одговорен за:

• развивање на дводневна програма и план на сесии,

• подготовка на практични алатки и примери од застапувачки процеси,

• фацилитирање на обуката,

• подготовка на кратка анализа на постоечки иницијативи, мрежи, коалиции и можности за заедничко застапување,

• изработка на финален извештај со препораки и заклучоци.

Главни задачи и одговорности

• Подготовка на детална програма и агенда за два дена

• Подготовка на содржини, примери и алатки за застапување и коалициско делување

• Фацилитирање на сесиите во живо

• Поттикнување на активна дискусија, работа во групи и размена на искуства

• Изработка на кратка анализа (desk research) за постојни платформи и примери на успешни коалиции

• Изработка на финален извештај со препораки и заклучоци

Потребни квалификации

• Високо образование во општествени науки, јавни политики, комуникации, социјални науки или сродни области

• Искуство во јавно застапување, коалициско делување и работа со граѓански организации

• Искуство во фацилитирање на обуки, работилници или јавни настани

• Одлични комуникациски и презентациски вештини

Пожелно (но не задолжително)

• Искуство во медиумска комуникација и креирање застапувачки пораки

• Познавање на принципите на социјална инклузија и права на лица со попреченост

Надоместок и времетраење

На избраниот обучувач ќе му биде исплатен вкупен хонорар од 600 евра, кој ќе се распределува по активности на следниот начин:

• 600 евра за реализација на обуката (по 300 евра од ден од обуката)

Аплицирање

Заинтересираните кандидати треба да достават апликација по пошта на следната физичка адреса: Св. Наум Охридски Б.Б, 1000 Скопје или по електронски пат, најдоцна до 05 мај 2025 година, на следната адреса: employmentkrik@gmail.com

(со назнака: Апликација – Обучувач). 

Апликацијата треба да содржи:

• Кратка биографија (CV);

• Краток предлог методологија и пристап кон темата;

Процес на селекција

По завршување на рокот, сите пристигнати апликации ќе бидат разгледани од тричлена селекциска комисија.

Апликациите ќе се оценуваат според следните критериуми:

1. Релевантно образование и професионални квалификации (30%)

2. Искуство во фацилитација и работа со институции/ГО (30%)

3. Квалитет на предложената методологија (30%)

4. Резултати од спроведено интервју (10%)

Избраните кандидати ќе бидат повикани на кратко онлајн интервју (Zoom/Teams) за дополнителна проценка на пристапот и експертизата.

Датум на објава: 30 април 2025