Повик за 4 (четири) тематски експерти за изработка на Прирачник за обука зa зелено застапување и воведување зелени локални иницијативи

 Здружението Центар за социјални иницијативи – ЦСИ НАДЕЖ, Скопје и Здружението Здружение на социјални работници на Македонија – ЗСРМ, Скопјеза потребите на проектот ЗЗЗ - ЗАЕДНИЧКИ ЗА ЗЕЛЕНО ЗАСТАПУВАЊЕ ЗА ЗАШТИТА НА ЖИВОТНАТА СРЕДИНА финансиран од владата на Швајцарија преку Цивика мобилитас, а кој го спроведуваат Македонскиот центар за меѓународна соработка - МЦМС, НИРАС од Данска и ФЦГ од Шведска, објавува:

Повик 8/2024: за 4 (четири) тематски експерти за изработка на Прирачник за обука за зелено застапување и спроведување зелени локални иницијативи

Информации за проектот:

ИМЕ: ЗЗЗ - ЗАЕДНИЧКИ ЗА ЗЕЛЕНО ЗАСТАПУВАЊЕ ЗА ЗАШТИТА НА ЖИВОТНАТА СРЕДИНА

НОСИТЕЛ: Центар за младински активизам ЦМА КРИК, Скопје

ПАРТНЕРИ: Здружение Центар за социјални иницијативи НАДЕЖ, Скопје и Здружение на социјални работници на Македонија – ЗСРМ, Скопје

ДОНАТОР: Владата на Швајцарија преку Цивика мобилитас

ЦЕЛНА ГРУПА

−   стручните работници од системот на социјална заштита и корисниците,

−   единиците на локална самоуправа - општините,

−   давателите на социјални услуги и корисниците,

−   младинските работници и

−   младите.

ВРЕМЕТРАЕЊЕ НА ПРОЕКТОТ: 01.12.2023 година – 30.09.2026 година

Проектната идеја e обид да се пилотира и воведе зелената социјална работа и социјалната трансформација како холистички перспективи што се стремат да ја поддржат благосостојбата на луѓето во надминувањето на постоечките климатски промени и одржување здрава животна средина. Активностите се засноваат на застапување и спроведување на концептот на право на здрава животна средина за сите, преку зелена социјална работа и потреба од социјална трансформација за справување и резилиентност од овие промени.

Главната цел на проектот е воведување на еколошката т.н. „зелената“ перспектива во стручната социјална и младинска работа, како една од клучните перспективи за заштита на животната средина, но воедно и за градење инклузивно и демократско општество за сите.

Информации за ангажманот –тематски експерти за изработка на Прирачник за обука за зелено застапување и спроведување зелени локални иницијативи

НАБАВУВАЧ

1.      Здружение Центар за социјални иницијативи -ЦСИ НАДЕЖ, Скопје со седиште на ул. „Гвадалахара“ бр. 20, Шуто Оризари, Скопје, застапувано од Марина Бојанова, претседател на здружението

2.      Здружение на социјални работници на Македонија – ЗСРМ, Скопјесо седиште на ул. „11ти Октомври“ бр. 42 А, Центар, Скопје, застапувано од Наташа Павиќевиќ - Стојменовска, претседател на здружението

ПРЕДМЕТ НА НАБАВКА

1.     Главни активности на експертите

Предмет на набавката е експертски ангажман[1] нa четири лица– експерти за изработка на прирачник за обука за зелено застапување и спроведување зелени локални иницијативи, со цел воведување на концептот на зелена социјална работа во системот на социјална заштита, вклучително и кај давателите на социјални услуги и воведување на „зелениот“ концепт во младинската работа. Целни групи на обуките се учесници од сите 8 (осум) плански региони:

•        претставници од системот на социјална заштита (ЦСР и установи за социјална заштита),

•     даватели на социјални услуги – здруженија на граѓани (лична асистенција, помош и нега во домот, центри за дневен престој, живеење со поддршка, советување и др.) и

•       младински работници.

За исполнување на ангажманот кој е предмет на овој повик, секој од експертите/ките ќе треба да ги спроведе следните работни задачи, во својата област:

•     Составување методологија согласно предлог-методологијата на повикот за изработка на тематски целини на прирачник за обука за застапување и спроведување зелени локални иницијативи во својата експертска област;

•     Подготовка на содржини на прирачник за обука за застапување и спроведување зелени локални иницијативи во својата експертска област, согласно утврдената методологија и согласно целните групи – учесници во обуките;

•       Редовна координација со секој од членовите на експертскиот тим;

•       Редовна координација и соработка со проектниот тим.

2.  Период и вредност на ангажманот

 Вкупниот ангажман на експертите ќе се спроведе во период од 25.11.2024 година до 31.03.2025 година, според следниот распоред на експертски денови: