ПОВИК ЗА донации

🌅ПОМОГНИ НИ ДА ОСТВАРИМЕ КАМПУВАЊЕ ЗА ЛИЦА СО ПОПРЕЧЕНОСТ⛺

Затоа што не смее да пројде лето без зајдисонце на плажа🌅, мирисот на езеро🌊, другарување покрај логорски оган🔥, кајакарење🚣, кампување во природа🏕️ и глетката на ѕвездите навечер 🌠. За многу лица кои живеат со попреченост, ваквите радости сè недостижни без подршка, организација и финансиска помош! Но, ние веруваме дека секој заслужува летна авантура – и затоа оваа година, благодарение на нашите пријатели од Амбасадата на Шпанија во Северна Македонија, ОСТВАРУВАМЕ КАМПУВАЊЕ!

📍Од 11-ти до 15-ти август во прекрасниот Извиднички камп во Охрид, повторно се среќаваме под отворено небо за едно незаборавно инклузивно искуство.

И оваа година ги здруживме силите од двете иницијативи „Летни младински инклузивни кампови“ и „Одмори се“ за да обезбедиме ОДМОР ЗА СИТЕ! Млади и повозрасни лица со попреченост ќе имаат можност да го почувствуваат духот на авантурата, пријателството и природата – можност која често им е ускратена.

👉 Но има еден мал предизвик кој мораме заеднички да го надминеме: ни недостасуваат шатори!

За да обезбедиме безбеден и удобен камп за сите учесници, потребни ни се 70.000 денари за набавка на шатори и трошоци за транспорт од Декатлон во Солун. 

👉 Зошто ова е важно?

Ние од прва рака сведочиме колку значи ова летување – и за лицата со попреченост, и за младите со типичен развој кои се приклучуваат. Поддршката, пријателствата, радоста и возбуда во тие неколку дена создаваат врски што траат долго по завршувањето на кампот. Нашите корисници цела година нè прашуваат: „Ќе има ли пак камп?“ – и токму тоа нè мотивира да го правиме ова секоја година, без прекин.
Погледнете како нашите млади кампери си поминаа минатата година на нашата авантура. 📽️ ВИДЕО
Не е доволно еднаш да се овозможи летна радост. Лицата со попреченост заслужуваат континуиран одмор, исто како и сите други. Тие не треба да поминуваат уште едно лето затворени во градот, живеејќи само од спомени. Наша обврска е да го направиме ова норма, а не исклучок.

💡 Нашата цел

"Остваруваме кампување" е повеќе од иницијатива – тоа е повик за инклузивност, еднакви можности и радост. Со помош на донатори веќе обезбедивме храна, транспорт и професионална поддршка, и сега нашите цели се следните:

🔹 Собираме средства за набавка на шатори
🔹 Градиме заедница без бариери
🔹 Ги зајакнуваме нашите другари да учествуваат рамноправно во животот

🤝 Вашата улога

Тука сте важни вие! Вашиот придонес – мал или голем – може да донесе шатор и насмевка на лицата кои долго сонувале за вакво искуство. Еве како можете да помогнете:

✨ Донирајте на следниот линк ➡️ [ЕCROWD]

🎁 За донации над 500 денари – добивате рачно изработен накит од нашите корисници
🎁 За донации над 1000 денари – добивате уникатна уметничка слика
За да го подигнете подарокот, пратете ни мејл со контакт и screenshot од вашата донација од 500 или 1000 денари на infokrikcenter@gmail.com. 

💌 Споделете:
Објавете ја нашата иницијатива, поканете пријатели, информирајте го вашиот тим, училиште, канцеларија. Нека секој слушне дека ова лето не оставаме никого зад себе.

🫡 За нас

ЦМА Крик поддржува над 15 лица со попреченост во три мали групни домови, заедно со тим од негуватели, окупациони терапевти и физиотерапевти. Работиме секојдневно на вклучување во заедницата, уметнички активности, работна терапија и социјализација. Нашиот центар е отворен за сите лица со попреченост кои сакаат да учествуваат, да создаваат музика, накит, уметност и – да припаѓаат.

📲 Повеќе за нас:
🔗 Facebook: https://www.facebook.com/CYA.KRIK/
🔗 Instagram: https://www.instagram.com/cya_krik/
📩 За дополнителни информации: infokrikcenter@gmail.com

✨Ајде заедно да овозможиме уште едно лето полно со насмевки, музика, езеро и логорски приказни!