Повик за експерт за продукција и пост-продукција

Центар за младински активизам Крик објавува повик за експерт за продукција и пост продукција на краток документарен филм за целите на проектот „Girls-led Youth Community Actions“.

Општа цел на проектот: 

1. Главна цел на активноста е да придонесе кон елиминација на постоечките стереотипи кои водат кон дискриминација на девојките и младите жени со интелектуална попреченост.

Специфични цели:

1. Подигната свест за можностите, способностите и успесите на девојките со попреченост

2. Адресирање на системските бариери и предизвиците со кои се соочуваат за бидат самостојни

3. Намалување на постоечката стигма попврзана со девојките со интелектуална попреченост, нивното образование и вработување

Содржина:

Документарен филм во времетраење од 15 минути, во кое ќе бидат прикажани личните приказни, предизвици и достигнувања на три девојки со попреченост. Преку активноста ќе се споделат успесите, постигнувањата и подвизите во учењето, студирањето, работењето и забавувањето на три девојки од Скопје и Велес со попреченост, и покрај системските проблеми и предизвици со кои се соочуваат. Жените и девојките со интелектуална попреченост се соочуваат со несразмерно повисок степен на насилство, дискриминација, нееднаков пристап до можности и ресурси, несоодветна поддршка и грижа од системот на социјална заштита, нееднакви можности за пристапно и достапно квалитетно образование, а со тоа и ниска активација на пазарот на труд, што пак значително го зголемува ризикот за запаѓање во сиромаштија.

Повикот е дел од активноста „Girls-led youth community actions“ кој го имплементира ЦМА-Крик, а е во рамки на проектот „Еднакви можности за девојчиња и млади жени во Северна Mакедонија“, спроведен од Национален младински совет на Македонија - НМСМ / NYCM / KRNM и Stella Network со финансиска поддршка од Британската амбасада во Скопје (British Embassy Skopje).

Позиции:

1. Експерт за продукција и постпродукција на краток документарен филм

Избраниот експерт ќе биде одговорен за спроведување на следните активности: продукција на краток документарен филм кој ќе ги следи приказните на три девојки со интелектуална попреченост, како и постпродукција на снимените материјали.

Начин на апликација:

Понудата треба да содржи:

1. Професионална биографија (CV) на кандидатот/ката;

2. Финансиска понуда

3. Професионално портфолио

Комплетираната документација се доставува на следнава емаил адреса: infokrikcenter@gmail.com

Рокот за аплицирање е до 15.10.2024.