📣 ВРАБОТУВАМЕ: КООРДИНАТОР И АСИСТЕНТ во „ДОМЧЕ“ – станбени единици за поддржано живеење

Се бараат мотивирани лица за две работни позиции во рамки на сервис за поддржано живеење за лица со попреченост: 1 Координатор на сервисот и 1 Асистент на сервисот. 

Услугата се реализира во 4 станбени единици со вкупно 20 корисници, со фокус на квалитетна поддршка, достоинство и активно вклучување во заедницата.

🧩 1. КООРДИНАТОР НА СЕРВИС

Координаторот е одговорен за целокупното функционирање на станбените единици, организација на тимот и обезбедување квалитетна и континуирана грижа за корисниците.

Работни задачи и одговорности:

• координација и надзор на секојдневното функционирање на станбените единици

• грижа за логистиката на становите (организирање поправки, мајстори и набавка на сè што е потребно за нормално функционирање – храна, терапија, хигиенски средства и сл.)

• организација и поддршка на тимот на негуватели:

  • подготовка и следење на распоред на смени

  • следење на квалитетот на работата

  • организирање обуки по потреба

  • посредување и решавање на евентуални меѓусебни конфликти

• постојана комуникација и соработка со релевантни институции (Центри за социјална работа, здравствени институции и други служби)

• водење уредна стручна документација и подготовка на месечни и годишни извештаи за корисниците

• координација на здравствената грижа:

  • закажување и придружување на корисници на лекарски прегледи (редовни и итни)

  • комуникација со матични лекари и специјалисти

  • обезбедување и следење на терапија

• следење на потребите, адаптацијата и општата благосостојба на корисниците

• иницирање и развој на можности за унапредување на услугата (проекти, донации, партнерства, нови активности)

Потребни квалификации:

• завршено средно или високо образование

• предност ќе имаат кандидати од следните профили:
  социјален работник, психолог, педагог, дефектолог, логопед, правник

• искуство во работа со лица со попреченост и/или во водење здравствена грижа е предност

• развиени организациски и комуникациски вештини

• способност за подготовка на официјална документација и поднесоци

• одговорност, самостојност и тимски дух

Надомест и ангажман:

• 58.000 – 70.000 МКД бруто износ (пред законски одбитоци) во зависност од квалификациите и искуството

• (договор за вработување или договор на дело) се договара со кандидатот и влијае на конечниот нето-износ.

Напомена:

• за стручен кадар (профили наведени погоре) задолжително е редовно вработување

• бруто сумата ги вклучува сите придонеси

🧩 2. АСИСТЕНТ ВО СТАНБЕНИ ЕДИНИЦИ

Работни задачи и одговорности:

• директна поддршка на корисниците во секојдневните активности

• поддршка на Координаторот во секојдневното функционирање на сервисот

• учество во планирање и набавка на храна за корисниците

• придружување на корисниците на закажани и итни лекарски прегледи

• комуникација со матични лекари и специјалисти за потребите на корисниците

• водење и администрирање на здравствена евиденција (извештаи, резултати, досиеја)

• следење на адаптацијата, здравствената состојба и развојот на корисниците

• водење уредна дневна евиденција за извршените активности

• организација и поддршка на активности за личен и социјален развој
  (прошетки, кратки излети, активности во заедницата и сл.)

• вклучување во активности за подигнување на јавната свест за лицата со попреченост

Потребни квалификации:

• завршено средно или високо образование

• искуство во работа и/или здравствена грижа за лица со попреченост е предност

• емпатија, одговорност и подготвеност за тимска работа

Работно време и надомест:

• можност за полно или скратено работно време
  (со опција за ангажирање на двајца асистенти со поделени обврски)

• бруто надомест (пред законски одбитоци) за полно работно време: 46.000 МКД 

• за договор за вработување или договор на дело се договара заедно со кандидатот. 

🔹 Достапност по потреба (по работно време)

Двете позиции вклучуваат телефонска достапност по работно време, на ротациска основа
(една недела координатор / една недела асистент).

Ова не подразбира физичко дежурство, туку реагирање само во итни ситуации.
Вообичаено, вакви интервенции се случуваат ретко (1–2 пати месечно или поретко) и се пресметуваат како дополнителни часови работно време.

📅 Рок и аплицирање

Рок за аплицирање: 6-ти февруари - 2 недели од денот на објавување на повикот.

Апликациите се разгледуваат континуирано, а кандидатите кои ги исполнуваат условите ќе бидат повикувани на интервју по редослед на пристигнување.
Се препорачува аплицирање што е можно порано.

📩 Апликации (CV + кратко мотивациско писмо) на:
employmentkrik@gmail.com

Наслов на мејлот:
Име на позицијата – Име и презиме
(пр. Координатор – Петар Петровски)