Повик за Лектор по македонски јазик за проектни потреби

 Здружение на социјални работници на Македонија – ЗСРМ, Скопје за потребите на проектот ЗЗЗ - ЗАЕДНИЧКИ ЗА ЗЕЛЕНО ЗАСТАПУВАЊЕ ЗА ЗАШТИТА НА ЖИВОТНАТА СРЕДИНА финансиран од владата на Швајцарија преку Цивика мобилитас, а кој го спроведуваат Македонскиот центар за меѓународна соработка - МЦМС, НИРАС од Данска и ФЦГ од Шведска, објавува:

Повик 11/2024: Лектор од македонски за проектни потреби

Информации за проектот:

ИМЕ: ЗЗЗ - ЗАЕДНИЧКИ ЗА ЗЕЛЕНО ЗАСТАПУВАЊЕ ЗА ЗАШТИТА НА ЖИВОТНАТА СРЕДИНА

НОСИТЕЛ: Центар за младински активизам ЦМА КРИК, Скопје

ПАРТНЕРИ: Здружение Центар за социјални иницијативи НАДЕЖ, Скопје и Здружение на социјални работници на Македонија – ЗСРМ, Скопје

ДОНАТОР: Владата на Швајцарија преку Цивика мобилитас

ЦЕЛНА ГРУПА

−   стручните работници од системот на социјална заштита и корисниците,

−   локалните општини

−   давателите на социјални услуги,

−   корисниците на социјалните услуги и

−   младинските работници и младите.

ВРЕМЕТРАЕЊЕ НА ПРОЕКТОТ: 01.12.2023 година – 30.09.2026 година

Проектната идеја e обид да се пилотира и воведе зелената социјална работа и социјалната трансформација како холистички перспективи што се стремат да ја поддржат благосостојбата на луѓето во надминувањето на постоечките климатски промени и одржување здрава животна средина. Активностите се засноваат на застапување и спроведување на концептот на право на здрава животна средина за сите, преку зелена социјална работа и потреба од социјална трансформација за справување и резилиентност од овие промени.

Главната цел на проектот е воведување на еколошката т.н. „зелената“ перспектива во стручната социјална и младинска работа, како една од клучните перспективи за заштита на животната средина, но воедно и за градење инклузивно и демократско општество за сите.

Информации за ангажманот –превод и лектура од македонски на македонски јазик за проектни потреби

НАБАВУВАЧ

1.      Здружение на социјални работници на Македонија – ЗСРМ, Скопје со седиште на ул. „11ти Октомври“ бр. 42 А, Центар, Скопје, застапувано од Наташа Павиќевиќ - Стојменовска, претседател на здружението

ПРЕДМЕТ НА НАБАВКА

1.      Главни активности на лицето:

Лектура на македонски јазик на:

Период на ангажманот на преведувачот/лектор: 26.12.2024 – 31.03.2025 година.

1.      Потребни квалификации на преведувачот/лектор:

Задолжително е кандидат/ката да биде државјанин на Република Северна Македонија и да го зборува македонскиот јазик:

• како свој мајчин јазик; односно

• како свој втор јазик, за припадниците на малцинските јазични заедници.

Задолжително е кандидатот/кандидатката да има завршено високо образование од најмалку прв циклус на студии (VII/1 степен) и да поседува стручен назив „дипломиран филолог по македонски јазик и книжевност“ или „дипломиран филолог/книжевност – преведувачка насока“ .

Кандидатот/кандидатката задолжително треба да има:

• најмалку 5 години непрекинато активно работно искуство како лектор по македонски јазик на стручна (некнижевна) литература;

• искуство во лекторирарње содржини како бараните документи: анализи, студии на случај и лесно читливи содржини; 

• солидно познавање на специјализираната терминологија од областите: социјална заштита, младинска работа, малцински заедници, ранливи групи, заштита на животната средина, правото на ЕУ и меѓународното право

•  активно работно искуство како лектор во граѓанскиот сектор во изминатите 5 години;

• одлични писмени вештини.

КРИТЕРИУМИ за избор на најповолен понудувач и доделување на договорот за соработка

Понудувачот во својата понуда треба да ги вклучи сите составни делови наведени во барањето за поднесување на понудата. Во спротивно, понудата ќе се смета за нецелосна и неприфатлива.

Критериумот за доделување договор за набавката е според принципот „најдобро понудена услуга за цената“ (the best value for money-quality ratio). Вкупната оцена за исполнителноста на понудата ќе биде формирана според следните критериуми и бодови, со примена на формула за пресметување на бодовите за доделување на договор за набавка:

• Работно искуство како преведувач/лектор                                                                      40 бода

• Индивидуален online состанок со проектниот тим                                                      40 бода

• Референтна листа                                                                                                              20 бода 

РОКОВИ

Рок за доставување на понудите                                                                        17.12.2024 година

Рок за избор на најповолен понудувач и известување                                     18.12.2024 година

Потпишување договор за соработка                                                                  26.12.2024 година

Рок за спроведување на активностите и испорака на услугата                      26.12.2024 – 31.03.2025 година

Партнерските организации, носители на грантот го задржуваат правото на измена на временската рамка за испораката на нарачаните услуги од страна на добавувачите, во зависност од претходно реализираните активности кои се во рамките на овој проект.

ДОСТАВУВАЊЕ НА ПОНУДИТЕ

Понудата треба да содржи:

·        професионална биографија (СV) на кандидатот/кандидатката што се пријавува за преведувач/лектор од македонски на македонски јазик;

·        референтна листа за  поткрепа на потребното искуство на кандидатот/кандидатката.

Понудите се доставуваат во електронска форма на проектната електронска адреса zzzgreenadvocacy@gmail.com. Дописот со проследената понуда треба да биде насловена: Понуда за број на повик 11/2024 – Лектор по македонски јазик. Понудите треба да се достават до наведениот рок. Понудите што ќе пристигнат по наведениот рок, како и оние понуди кои нема да бидат изработени според пропозициите на повикот, нема да бидат земени предвид.

НАПОМЕНА:Предност имаат организациите носител и партнери на грантот.

Проектот е финансиран од Владата на Швајцарија преку Цивика мобилитас.

Содржината на овој повик е единствена одговорност на Центарот за социјални иницијативи НАДЕЖ и Здружението на социјални работници на Македонија – ЗСРМ, Скопје и на ниту еден начин не може да се смета дека ги одразува гледиштата на Владата на Швајцарија, Цивика мобилитас или организациите што ја спроведуваат.