Повик за обучувач на обука 

Позиција: Обучувaч/ка за обука на тема „Институции и стратегии како алатки за вклучување на организациите во процесите на носење одлуки“

Проект: CORDIAL – Создавање можности регионално за инклузија и застапување на лица со попреченост

Рок за аплицирање: 13 ноември 2025

Начин на аплицирање:  employmentkrik@gmail.com

Датум на реализација на обуката: 26–27 ноември 2025

За проектот

Проектот CORDIAL – Creating Opportunities Regionally for Disability Inclusion Actions and Legislation е регионална иницијатива финансирана од Европската Унија преку ИПА програмата, која има за цел да го поттикне регионалниот дијалог, застапување и институционално вмрежување за унапредување на социјалната инклузија и правата на лицата со попреченост.

Проектот го координира Caritas Србија, а партнери се:

• Каритас БиХ (Босна и Херцеговина)

• Каритас Косово (Косово)

• Каритас Црна Гора (Црна Гора)

• Македонски Каритас

• Центар за младински активизам КРИК (Македонија)

• Форум на млади со инфалидитет – YDF (Србија)

како и партнери од Европската Унија.

За активноста

Во рамки на активноста за јакнење на капацитетите на граѓанските организации и мрежи, ќе се организира дводневна обука на тема „Институции и стратегии како алатки за вклучување на организациите во процесите на носење одлуки“.

Оваа обука е дел од сет на тематски модули и има за цел да гради знаења и практични вештини во области како застапување, институционални механизми, креирање на јавни политики, мониторинг и отчетност. Овој модул има за цел да им  помогне на организациите да разберат: 

- кои институции и тела (министерства, оддели, комисии, работни групи, советодавни тела) имаат релевантна улога во политиките за лица со попреченост и социјална инклузија;

- како функционира системот на јавни политики – од стратегиско планирање до усвојување и следење;

- кои се постојните стратегии и механизми за учество на граѓански организации во процесите на одлучување;

- како може нивната организација да се позиционира и вклучи во консултативни и застапнички процеси;

- кои се добри практики и алатки за комуникација со институции и придонес кон развој на политики.

На обуката е предвидено да учествуваат 10 – 15 учесници. 

Цел на повикот

За подготовка и реализација на оваа обука, Центар за младински активизам КРИК објавува јавен повик за ангажирање на обучувач кој ќе биде одговорен за:

• развивање на дводневна програма и план на сесии,

• подготовка на методологија и практични примери,

• фацилитирање на обуката,

• подготовка на кратка анализа на постоечките стратегии, работни планови, закони, институции, сектори, оддели и можности за учество на организации кои работат со лица со попреченост во процесите на политики на локално и национално ниво 

• изработка на извештај со препораки и заклучоци по завршување на активноста.

Главни задачи и одговорности

• Подготовка на детална програма на обуката и агенда за два дена;

• Развивање на содржини, примери и алатки што ќе им помогнат на учесниците да ги препознаат можностите за институционално вклучување и застапување;

• Реализација и фацилитирање на сесиите во живо;

• Поттикнување на активна дискусија, групна работа и размена на искуства;

• Подготовка на документ-анализа каде ќе се опишани механизмите за учество (desk research) 

• Подготовка на финален извештај со резиме на реализирани сесии, препораки и заклучоци.

Потребни квалификации

• Високо образование во областа на општествени науки, право, јавни политики,  социјални политики, политички науки или сродни области е предност 

• Искуство во работа со институции, граѓански организации и јавни политики;

• Познавање на структурата на национални институции, стратегии и процеси на консултација;

• Искуство во фацилитирање на обуки, работилници или јавни настани;

• Способност за јасно презентирање и пренесување на комплексни информации на  разбирлив начин.

Пожелно (но не задолжително)

• Практично искуство во учество во јавни консултации или застапнички процеси;

• Познавање на принципите на социјална инклузија и права на лица со попреченост.

Надоместок и времетраење

На избраниот обучувач ќе му биде исплатен вкупен хонорар од 600 евра, кој ќе се распределува по активности на следниот начин:

• 300 евра за реализација на обуката (по 150 евра од ден од обуката)

• 300 евра за подготовка на анализа и изработка на финален документ со препораки и заклучоци 

Аплицирање

Заинтересираните кандидати треба да достават апликација по електронски пат, најдоцна до 10 ноември 2025 година, на следната адреса: employmentkrik@gmail.com

(со назнака: Апликација – Обучувач за институции и стратегии).

Апликацијата треба да содржи:

• Кратка биографија (CV);

• Краток предлог методологија и пристап кон темата;

Процес на селекција

По завршување на рокот, сите пристигнати апликации ќе бидат разгледани од тричлена селекциска комисија.

Апликациите ќе се оценуваат според следните критериуми:

1. Релевантно образование и професионални квалификации (30%)

2. Искус¬¬тво во фацилитација и работа со институции/ГО (40%)

3. Квалитет на предложената методологија (30%)

Избраните кандидати ќе бидат повикани на кратко онлајн интервју (Zoom/Teams) за дополнителна проценка на пристапот и експертизата.

Датум на објава: 4 ноември 2025

Реобјавен и продолжен до 13.11.2025