Преведувач/лектор од македонски на албански јазик за превод и лектура од македонски на албански јазик за проектни потреби

Предвиден надомест за преведувачот/лектор е 450,00 МКД (четиристотини и педесет денари) во бруто износ за 1 (една) страна.

Период на ангажманот на преведувачот/лектор: 26.12.2024 – 31.03.2025 година.

2.      Потребни квалификации на преведувачот/лектор:

Задолжително е кандидат/ката да биде државјанин на Република Северна Македонија и да го зборува македонскиот јазик:

• како свој мајчин јазик; односно

• како свој втор јазик, за припадниците на малцинските јазични заедници.

Задолжително е кандидатот/кандидатката да има завршено високо образование од најмалку прв циклус на студии (VII/1 степен) и да поседува стручен назив „дипломиран филолог по албански јазик и книжевност – преведувачка насока“ или „дипломиран толкувач од албански јазик на македонски и обратно“ .

Кандидатот/кандидатката задолжително треба да има:

• најмалку 5 години непрекинато активно работно искуство како преведувач и лектор по албански јазик на стручна (некнижевна) литература;

• искуство во превод на содржини како бараните документи: анализи, студии на случај и лесно читливи содржини

• солидно познавање на специјализираната терминологија од областите: социјална заштита, младинска работа, малцински заедници, ранливи групи, заштита на животната средина, правото на ЕУ и меѓународното право;

• активно работно искуство како преведувач во граѓанскиот сектор во изминатите 5 години;

• одлични писмени вештини.

КРИТЕРИУМИ за избор на најповолен понудувач и доделување на договорот за соработка

Понудувачот во својата понуда треба да ги вклучи сите составни делови наведени во барањето за поднесување на понудата. Во спротивно, понудата ќе се смета за нецелосна и неприфатлива.

Критериумот за доделување договор за набавката е според принципот „најдобро понудена услуга за цената“ (the best value for money-quality ratio). Вкупната оцена за исполнителноста на понудата ќе биде формирана според следните критериуми и бодови, со примена на формула за пресметување на бодовите за доделување на договор за набавка:

• Работно искуство како преведувач/лектор                                                                 40 бода

•   Индивидуален online состанок со проектниот тим                                        40 бода

•   Референтна листа                                                                                                        20 бодa

РОКОВИ

Рок за доставување на понудите                                                17.12.2024 година

Рок за избор на најповолен понудувач и известување            18.12.2024 година

Потпишување договор за соработка                                         26.12.2024 година

Рок за спроведување на активностите и испорака на услугата                    26.12.2024 – 31.03.2025 година

Партнерските организации, носители на грантот го задржуваат правото на измена на временската рамка за испораката на нарачаните услуги од страна на добавувачите, во зависност од претходно реализираните активности кои се во рамките на овој проект.

ДОСТАВУВАЊЕ НА ПОНУДИТЕ

Понудата треба да содржи:

·        професионална биографија (СV) на кандидатот/кандидатката што се пријавува за преведувач/лектор од македонски на албански јазик;

·        референтна листа за  поткрепа на потребното искуство на кандидатот/кандидатката.

Понудите се доставуваат во електронска форма на проектната електронска адреса zzzgreenadvocacy@gmail.com.Дописот со проследената понуда треба да биде насловена: Понуда за број на повик 10/2024 – Преведувач/лектор од македонски на албански јазик. Понудите треба да се достават до наведениот рок. Понудите што ќе пристигнат по наведениот рок, како и оние понуди кои нема да бидат изработени според пропозициите на повикот, нема да бидат земени предвид.

НАПОМЕНА:Предност имаат организациите носител и партнери на грантот.

Проектот е финансиран од Владата на Швајцарија преку Цивика мобилитас.

Содржината на овој повик е единствена одговорност на Центарот за социјални иницијативи НАДЕЖ и Здружението на социјални работници на Македонија – ЗСРМ, Скопје и на ниту еден начин не може да се смета дека ги одразува гледиштата на Владата на Швајцарија, Цивика мобилитас или организациите што ја спроведуваат.