ПОВИК ЗА учесници

Отворен повик за учество во летен младински инклузивен камп

Центар за младински активизам КРИК, поддржан од Шпанската Амбасада на Република Северна Македонија и во соработка со Сојузот на извидници на Македонија, ве поканува да станете дел од нашата традиционална инклузивна летна младинска програма „Остваруваме кампување“. Кампот е отворен за сите млади лица, со и без попреченост, кои сакаат да поминат незаборавни четири дена исполнети со природа, забава и нови пријателства.

Целта на овој камп е да создаде инклузивен простор каде младите, со типичен и атипичен развој, ќе можат да се дружат и заедно да растат преку едукативни и забавни активности. Преку заеднички спортски, уметнички и тим-билдинг активности, учесниците ќе имаат можност да се запознаат, да разменат искуства и да изградат автентични пријателства. Воедно, кампот се стреми да ја поттикне свеста за важноста од еднаквост и разбивање на стигмата кон лицата со попреченост, додека сите учесници уживаат во летните денови исполнети со природа и возбуда. 

Кој може да се пријави?

• Млади лица на возраст од 16 до 30 години

• Учесници со и без попреченост

• Лица кои сакаат да учествуваат во активности на отворено и креативни работилници

Кога?
11–15 август 2025 година

Каде?
Извиднички камп, Охрид

Програма и активности:

• Ноќевање под ѕвездено небо: Организирани шатори и простор за дружење на отворено.

• Кајакарење и водени игри: Возбудливи активности на езерото за сите нивоа на вештини.

• Креативни работилници: Работилници за рачни изработки, сликање и други ликовни техники.

• Социјализација: Музика, настапи, дискусии и слободно време за дружење.
  
  

Учеството е бесплатно, вклучувајќи сместување, храна и сите активности.

Како да се пријавите?
Пополнете ја онлајн пријавата на следниот линк 🔗

Рок за пријавување: 20 јуни 2025 година

За дополнителни информации:
📩 Е-пошта: infokrikcenter@gmail.com
📲 Следете нè:
Facebook – CYA KRIK
Instagram – @cya_krik

📷Погледнете го албумот од минатото лето тука.
📽️Погледнете како изгледа кампот, плажата и нашите авантури покрај езеро на видеото подолу.