Повик за формирање на национална група за застапување

Во рамки на проектот CORDIAL – Creating Opportunities Regionally for Disability Inclusion Actions and Legislation, поддржан од Европската Унија се отвара јавен повик за членство во Национална група за застапување (Advocacy Action Group – AAG)

За што станува збор?

Центарот за младински активизам КРИК, во партнерство со Македонски Каритас, како национални партнери во рамки на регионалниот проект CORDIAL, објавуваат јавен повик за формирање на Национална група за застапување (AAG).

Оваа група ќе претставува можност за соработка и заедничко делување на организации што работат со и за лица со попреченост, како и организации кои придонесуваат за унапредување на социјалната инклузија и човековите права.

Цел на групата

Националната група за застапување ќе биде работно тело составено од приближно 12 организации, со намера да се воспостави трајна соработка меѓу граѓанскиот сектор и институциите.

Групата ќе има за цел:

• да ги идентификува главните предизвици и пречки во спроведувањето на политиките за лица со попреченост;

• да споделува искуства, знаења и добри практики меѓу организациите;

• да подготвува заеднички препораки и предлози за унапредување на политиките и практиките за социјална инклузија;

• да развива и планира активности за застапување кои подоцна можат да прераснат во јавни иницијативи или предлози до надлежни институции.

Во рамки на проектниот период (2025–2027) ќе се реализираат 8 работни состаноци на групата, на кои ќе се развиваат идеи, ставови и конкретни препораки за политики поврзани со социјална инклузија, пристапност и човекови права на лицата со попреченост.

Како резултат од оваа заедничка работа и процесот предводен од националниот експерт за застапување, ќе се развијат и спроведат две кампањи за застапување насочени кон подобрување на политиките и практиките за лицата со попреченост.

Кој може да се пријави?

Се покануваат да се пријават организации кои:

• работат со или за лица со попреченост,

• застапуваат права на ранливи групи или се активни во полето на социјална инклузија,

• имаат интерес да придонесат кон креирање и следење на јавни политики,

• се подготвени активно да учествуваат на средбите и во планирањето на активности за застапување.

Особено се охрабрува учество на организации кои работат со жени и млади со попреченост, како и организации од рурални или помали средини.

📌 При номинација, секоја организација треба да предложи претставник и заменик-претставник кои ќе ја претставуваат во рамки на Националната група за застапување.

Што ќе добиете со учество?

• Можност да бидете дел од национален процес на застапување кој ќе создаде препораки и иницијативи за подобрување на политиките за лица со попреченост;

• Вмрежување и размена на искуства со други организации и институции;

• Пристап до информации, експертска поддршка и тематски обуки што ќе произлезат од работата на групата;

• Вклучување во регионални активности и комуникација со партнерски организации преку CORDIAL мрежата.

Пријавување

Заинтересираните организации можат да се пријават преку онлајн форма на следниот линк:

👉 https://forms.gle/o2Zu5PGWCCyxFVQt5

Бројот на членки е ограничен.

Сите пријавени ќе бидат известени по завршување на процесот на селекција.

Повикот ќе биде активен до 17 ноември 2025 година.

Повикот се продолжува до 23 ноември 2025 година.